चितवन । नारायणगढ–मुग्लिन सडकखण्ड अवरुद्ध भएको छ ।
निरन्तर वर्षापछि पहाडबाट सडकमा लेदो (पहिरो) झरेर सडक अवरुद्ध भएको हो ।
सडकखण्डअन्तर्गत चितवनको इच्छाकामना गाउँपालिका–६ चारकिलोमा पहाडबाट लेदो झर्दा सडक अवरुद्ध भएको प्रहरीले जानकारी दिएको छ ।
आज (बुधबार) बिहान ६ बजेखि सो सडक अवरुद्ध भएको इलाका प्रहरी कार्यालय मुग्लिनका प्रहरी निरीक्षक कञ्चन तामाङले जानकारी दिए ।
सडकको लेदो हटाउन डोजर पुगे पनि पानी परिरहेका कारण लेदो हटाउन समस्या भएको तामाङले बताए ।
पानी पर्न रोकिएपछि लेदो हटाएर आवागमन सहज बनाइने उनले बताए ।
