चितवन । पहिरोका कारण अवरुद्ध बनेको नारायगणगढ-मुग्लिन सडकखण्ड मंगलबार दिउँसोबाट दुईतर्फी रुपमा सञ्चालनमा आएको छ ।
सोमबार राति इच्छाकामना गाउँपालिका-६ स्थित चारकिलो नजिक विभिन्न पाँच ठाँउमा झरेको पहिरो पन्छाएसँगै दिउँसो साढे २ बजेदेखि सडक सञ्चालनमा आएको हो ।
सडक आयोजनाका इन्जिनियर शिव खनालले डाँडाबाट लेदोसहितको झरेको हिलो र ढुंगा पन्छाएर सडक सञ्चालन गरिएको जानकारी दिए ।
सोमबार राति अबेर सडक एकतर्फी रुपमा सञ्चालनमा ल्याइएको भएपनि पुनः पानीसँगै पहिरो खस्न पुग्दा सडक अवरुद्ध बन्न पुगेको थियो ।
लामो समय सडक अवरुद्ध हुँदा यात्रुहरुले सास्ती भोग्नु परेको थियो ।
