काठमाडौं । सिन्धुपाल्चोकमा फेरि भीषण बाढी पहिरोले १८ वटा घर पुरिएर १८ जना बेपत्ता भएका छन् । बाह्रविसे नगरपालिकाका नागपुजे र भिरखर्कमा घरहरु पहिरोमा पुरिएको प्रहरीले जनाएको छ ।
प्रमुख जिल्ला अधिकारी उमेश कुमार ढकालका अनुसार क्षतिको विवरण पूर्णरुपमा अहिलेसम्म आएको छैन । उनले घटनास्थलमा सेना, सशस्त्र र नेपाल प्रहरीको टोली पठाइएको जानकारी दिए ।
बाह्रबिसे नगरपालिकाका मेयर निमफुन्जो शेर्पाले भने कम्तिमा १२ जना मानिस बेपत्ता भएको बताए । गएराति परेको पानीका कारण ठाडो खोलाले वस्तीमा क्षति पुर्याएको हाे । बलेफी र जलविरेमा जलसतह सतर्कता तहसम्म पुगेको र यो बढ्दो क्रममा रहेको केन्द्रले जनाएको छ ।
सिन्धुपाल्चोकमा गत साउन ३० गतेयता पटकऔपटक बाढी र पहिरो जाँदा ठूलो मानवीय क्षति भएको छ । गत साउन ३० गते पनि जुगल गाउँपालिका–२ लिदीमा गएको पहिरोमा पुरिएर ३७ जनाको मृत्यु भएको थियो ।
