बागलुङकोे बडिगाड गाउँपालिकामा पहिरोले पुरिएर एक जना बेपत्ता भएका छन् ।
बिहीबारदेखिको निरन्तर वर्षापछि खसेको पहिरोले तरकारी बारीमा काम गर्दै आएका बडिगाड-१० निगलपानीका ३५ वर्षीय दानबहादुर घर्ती मगर आज बेपत्ता भएको जिल्ला प्रहरी कार्यालयका प्रहरी निरीक्षक दीपक रिजालले जानकारी दिए ।
स्थानीयवासीको सक्रियतामा बेपत्ताको खोजी जारी छ ।
घटनास्थलतर्फ भीमगिठे प्रहरी चौकीबाट उद्धारका लागि प्रहरी खटाइएको छ ।
