हुम्ला जिल्लाको सर्केगाड सर्केघाड गाउँपालिका–४ रोडिकोटको गाउँमा भीषण आगलागी भएको छ ।
एउटा घरबाट सुरु भएको आगलागीबाट १५ वटाभन्दा बढी घर जलेर नष्ट भएको आगालागीस्थलबाट स्थानीयवासी धर्मराज शाहीले जानकारी दिए ।
बेलुकी करिब ६ बजेतिर गाउँमा आगलागी भएको बताइएको छ । आगालागी नियन्त्रणका लागिन पानी, स्याउला र माटोको प्रयोग गरे पनि नियन्त्रणमा आउन नसकेको उनले बताए ।
आगो नियन्त्रणका लागि सबै गाउँलेले प्रयास गर्दा पनि आगो नियन्त्रणमा आउन नसकेको शाहीले बताए । सो ठाउँमा पानीको समेत अभाव रहेको बताइएको छ ।
आगो नियन्त्रणका लागि गाउँपालिका केन्द्रबाट प्रहरीको टोली त्यसतर्फ पठाइएको जिल्ला प्रहरी प्रमुख सूर्यप्रसाद सुवेदीले जानकारी दिए ।
