नुवाकोट घर भएका दुई महिला कोरोना संक्रमण देखिएसँगै सम्पर्कविहीन भएका छन् । काठमाडौंमा पिसिआर जाँच गराएका ४५ वर्षीया नरमाया घले र १४ वर्षीया सरस्वती घले नाम गरेका व्यक्ति सम्पर्कविहीन भएका हुन् ।
कोरोना जाँचका लागि उनीहरूले काठमाडौंमा स्वाबको नमूना दिएको र ठेगाना ‘नुवाकोट वडा ३’ उल्लेख गरे पनि अधुरो भएकाले सम्पर्कमा ल्याउन कठिन परेको स्वास्थ्य कार्यालय नुवाकोटले जनाएको छ ।
कार्यालयका सूचना अधिकृत उत्तम खनालका अनुसार नमूना दिँदा फोन उल्लेख नगरेको र ठेगानामा स्थानीय तहको नाममा जिल्लाको मात्र नाम समावेश भएकाले संक्रमितलाई सम्पर्कमा ल्याउन कठिन परेको छ । कार्यालयले स्थानीय तहका जनप्रतिनिधि र प्रहरी एकाइलाई संक्रमण देखिएका व्यक्तिको नाम र उमेरअनुसार मिल्दो विवरण देखिएमा सूचना दिन आग्रह गरेको छ ।
