काठमाडौं । नेपाली सेनाको मुख्यालय जङ्गी अड्डाका एक सिपाहीले गोली हानेर आत्महत्या गरेका छन् ।
भद्रकालीस्थित आर्मीको पेट्रोल पम्पमा ड्युटीमा खटिएका (तनहुँ रानीपोखरी स्थायी घर भएका) सिपाहीले आत्महत्या गरेका हुन् ।
आफूले बोकेको बन्दुकले आफ्नो कन्चटमा गोली हानेर उनले आत्महत्या गरेको नेपाली सेनाका सहायकरथी तथा प्रवक्ता सन्तोष बल्लभ पौडेलले जानकारी दिए ।
प्रवक्ता पौडेलका अनुसार, पेट्रोल पम्पमा ड्युटीमै रहेको समयमा ती सिपाहीले (आज बिहान तीन बजेतिर) गोली हानेर आत्महत्या गरेका हुन् ।
सो घटनाबारे नेपाल प्रहरी तथा सैनिक प्रहरीले थप अनुसन्धान गरिरहेको छ ।
