कञ्चनपुरको कृष्णपुर नगरपालिकास्थित मछेली नदीमा आएको बाढीमा फसेकी एक महिलाको उद्धार गरिएको छ ।
कृष्णपुर नगरपालिका-२ गुलरीयाका ५० वर्षीया मनुदेवी सार्कीलाई उद्धार गरिएको हो ।
गएराति परेको अविरल वर्षाका कारण सो नदीमा आएको बाढीमा फसेकी सार्कीलाई विपद् व्यवस्थापन टोली कञ्चनपुर तथा इलाका प्रहरी कार्यालय झलारी र गुलरीयाको संयुक्त पहलमा उद्धार गरिएको इलाका प्रहरी कार्यालय झलारीका प्रहरी निरीक्षक ध्रमेन्द्र रावलले बताए ।
बुधबार बेलुका ६ बजे नदीमा थुनिएकी ती महिलालाई सकुशल उद्धार गरिएको उनले बताए ।
वैलकुण्डी शिविरकी ती महिला घाँस काट्न गएको समयमा मछेली नदीको भंगालोमा फसेकी थिइन ।
