काठमाडौं । नेपाल प्रहरीले ४९ जना प्रहरी उपरीक्षक (एसपी) हरूको सरुवा गरेकाे छ ।
एसपी अनुरागकुमार द्विवेद्वी प्रहरी प्रधान कार्यालयको मानव बेचबिखन अनुसन्धान ब्युरोमा आएका छन् । अविनारायण काफ्ले अख्तियार दुरुपयोग अनुसन्धान आयोगमा सरुवा भएका छन् । त्यस्तै कृष्णकुमार महत लागूऔषध नियन्त्रण व्यूरोमा सरुवा भएका छन् ।
उनीहरू क्रमश: महानगरीय दंगा नियन्त्रण प्रहरी गण त्रिपुरेश्वर, जिल्ला प्रहरी कार्यालय नुवाकोट र महानगरीय सर्वोच्च अदालत समन्वय तथा सुरक्षा प्रहरी इकाइमा कार्यरत थिए ।
यता महानगरीय अपराध महाशाखामा कार्यरत हाेविन्द्र बोगटी र सन्तोष भट्टराईकाे क्रमश: जिल्ला प्रहरी कार्यालय स्याङजा र पाल्पा सरुवा भएकाे छ ।
