काठमाडौं । काठमाडौंको कोटेश्वर–जडबुटी सडक खण्डमा भएको दुर्घटनामा एक जना गम्भीर घाइते भएका छन् ।
ना ६ ख २९१७ नम्बरको ट्रकको ठक्करबाट पैदलयात्री गम्भीर घाइते भएका हुन् ।
कोटेश्वरबाट भक्तपुर जाँदै गरेको १२ चक्के ट्रकले ठक्कर दिँदा सिन्धुपाल्चोक इन्द्रावती गाउँपालिका–७ स्थायी घर भएका धन बहादुर कार्की घाईते भएका हुन् ।
घाइतेको ट्रमा सेन्टरमा उपचार भइरहेको प्रहरीले जानकारी दिएको छ ।
ट्रक चालक सर्लाही हरपुर घर भएका २५ वर्षीय रेख बहादुर पोखरेललाई कोटेश्वर प्रहरीले नियन्त्रणमा लिएको छ ।
