रौतहट । रौतहटमा एक युवकको घाँटी काटेर हत्या गरिएको छ ।
गरुडा नगरपालिका–८ जिंगडियाका १७ वर्षीय युवक निरन्जन राम चमारको घाँटी काटेर हत्या गरिएको प्रहरीले जानकारी दिएको छ ।
ईलाका प्रहरी कार्यालय गरुडाका प्रमुख डिएसपी ज्ञानकुमार महतोका अनुसार, चमारको धारिलो हतियारले घाँटी रेटेर काटिएको अवस्थामा शव बरामद भएको छ ।
आज (आइतबार) बिहान ६ बजे जिंगडिया गाउँभन्दा करिब तीन सय मिटर पर चौरमा शव फेला परेको हो ।
घटनास्थलमा तालिम प्राप्त कुकुर मगाइएको डिएसपी महतोले जानकारी दिए ।
कसैले कुनै रिसिबीको कारण उनको हत्या गरेको हुनसक्ने प्रहरीको प्रारम्भिक अनुमान छ ।
