काठमाडौं । शुक्रबार सिन्धुपाल्चोकमा भीषण पहिरो जाँदा २२ वटा घर पुरिएको खबर प्राप्त भएको छ । जिल्लाको जुगल गाउँपालिका– २ स्थित आज बिहान भीषण पहिरो गएको बागमती प्रदेशका सामाजिक विकासमन्त्री युवराज दुलालले जानकारी दिए ।

साे पहिरोमा कम्तीमा २२ घर पुरिएका छन् भने केही थप घर जोखिममा परेका छन् । उक्त घटनामा उद्धारको लागि हेलिकप्टर लिएर घटनास्थलतर्फ जाँदै गरेको विकासमन्त्री दुलालले बताए ।