काठमाडौं । काठमाडौंको कागेश्वरी मनहरा नगरपालिका–७ स्थित वीरेन्द्रचोकमा एक १५ वर्षीया किशोरी बलात्कृत भएकी छिन् ।
बलात्कार आरोपमा प्रहरीले एक युवकलाई पक्राउ गरेको छ ।
पक्राउ पर्नेमा सिन्धुलीको भिमान घर भइ हाल कागेश्वरी मनहरा–७ स्थित काँडाघारी बस्ने ३१ वर्षीय डेविट भनिने सुशील खड्का छन् ।
गत मंगलबार खड्काले वीरेन्द्रचोकस्थित एक रेष्टुरेन्टमा किशोरीलाई जवरजस्ती करणी गरेको प्रहरीले जनाएको छ ।
किशोरीलाई म्युजिक भिडियोमा खेलाउने प्रलोभन देखाइ वियर खुवाएर लठ्याएको र राति रेष्टुरेन्टको क्याविनमा राखी जवरजस्ती करणी गरेको प्रहरी अनुसन्धानबाट खुलेको छ ।
पीडित युवतीले दिएको उजुरीका आधारमा खड्कालाई बिहीबार बिहान पक्राउ गरिएको महानगरीय प्रहरी परिसर काठमाडौंका प्रवक्ता एसपी सोमेन्द्र राठौरले जानकारी दिए ।
