काठमाडौं । आज महेन्द्रनगरमा प्रेसर कुकर बम भेटिएको छ । महेन्द्रनगरस्थित सब्जीमण्डी क्षेत्रमा झोलामा राखिएको अवस्थामा प्रेसर कुकर बम भेटिएको महेन्द्रनगर प्रहरीले जनाएको छ ।
बुधबार राति करिव दुई बजेकाे समयमा भेटिएको उक्त बम आज बिहान नेपाली सेनाको टोली निष्क्रिय पारेको प्रहरीको भनाइ छ । सब्जीमण्डीको भानु पार्टी प्यालेस नजिक झोलाभित्र राखिएको अवस्थामा बम भेटिएको थियो ।
सो बम भेटिएको ठाउँमा थारुवान स्वायत्त प्रदेश जिल्ला परिषद् कञ्चनपुरको पर्चासमेत भेटिएको प्रहरीले जनाएको छ । सोही पर्चाको आधारमा अनुसन्धान अघि बढाएको जिल्ला प्रहरी कार्यालय कञ्चनपुरले जनाएको छ ।
