काठमाडौं । अब नारायणगढ-मुग्लिन सडक प्रयोग गरेवापत शुल्क तिर्नुपर्ने भएको छ ।
भौतिक पूर्वाधार तथा यातायात मन्त्रालयको प्रस्तावमा मन्त्रिपरिषदको बैठकले नारायणगढ-मुग्लिन सडक प्रयोग गरेवापत शुल्क लिने निर्णय गरेको हो । नियमित मर्मत सम्भारका लागि स्रोत अभाव नहोस् भनेर दुई थरी शुल्क लिने निर्णय भएको अर्थ तथा संचारमन्त्री डा. युवराज खतिवडाले जानकारी दिए ।
हलुका सवारीसाधनका लागि २५ रुपैयाँ र भारी सवारीका लागि ५५ रुपैयाँ तिर्नुपर्नेछ। दुवैतर्फ ढाट राखेर यो शुल्क उठाइनेछ। सडक बोर्डका कार्यकारी निर्देशक कृष्णसिंह बस्नेतले भदौ १ गतेदेखि शुल्क लिइने जानकारी दिए।
'हामीले भदौ १ गतेदेखि यो शुल्क लिनेछौं । मुग्लिन र नारायणगढको बीचमा ढाट राखेर शुल्क लिने सुरु गर्नेछौं,' उनले बिजमाण्डूसँग भने, 'मोटरसाइकल र स्कु्टरले भने शुल्क तिर्नुपर्ने छैन ।'
