काठमाडौं । अज्ञात समूहले एक सरकारी कार्यालयमा आगजनी गरेकाने छ । कञ्चनपुरको शुक्लाफाँटा नगरपालिका– ७ को वडा कार्यालयमा गएराति अज्ञात समूहले आगजनी गरेको कञ्चनपुर इलाका प्रहरी कार्यालयले जनाएको छ ।

आगजनीबाट उक्त वडा कार्यालयको प्रशासन कक्ष, सभा कक्ष र वडा सचिवको कार्यकक्षमा बढी क्षति पुगेको प्रहरीको भनाइ छ । प्रहरीका अनुसार कार्यालय भित्र राखिएका फर्निचर, सोफा, महत्वपूर्ण कागजात, कम्प्युटर, फोटोकपी मेसिन, कार्पेट जलेर पूर्णरुपमा ध्वस्त भएको छ । यस घटनाबारे अनुसन्धान भइरहेको छ ।