कैलाली । कैलालीस्थित घोडाघोडी नगरपालिकाको गाडीमा आगजनी भएको छ ।
नगरपालिकाको से १ झ २४१ नम्बरको स्कारपियो गाडीमा अज्ञात समूले आगजनी गरेको प्रहरीले जनाएको छ ।
आगलागीबाट गाडीको पछाडिपट्टिको भाग जलेको छ ।
नगरपालिकाको निमित्त प्रशासकीय प्रमुखको क्वाटर अगाडि राखिएको गाडीमा सोमबार राति (करिब ११ बजे तिर) आगजनी भएको हो ।
उक्त गाडी उपप्रमुख प्रेम कुमारी थापाले प्रयोग गर्दै आइरहेकी थिइन् ।
आगो समयमै नियन्त्रणमा आउँदा ठूलो क्षति नभएको इलाका प्रहरी कार्यालय सुखडका प्रमुख प्रहरी निरीक्षक हरिशरण भट्टले जानकारी दिए ।
