काठमाडौं । तस्विरमा देखिएको व्यक्ति को होलान ? तपाइँले झट्ट हेर्दा पहिचान गर्न सक्नुहुन्न । किनकी उनले मास्क, चश्मा, हेलमेट र रेनकोट लगाएका छन् ।
काठमाडौं उपत्यकामा वर्षा भइरहेको समयमा यी व्यक्तिले चक्रपथको चक्कर लगाएका छन्, त्यो पनि साइकलमा । उनी हुन्, पूर्वमन्त्री तथा राष्ट्रिय प्रजातन्त्र पार्टीका अध्यक्ष कमल थापा ।
आइतबार बिहान सिमसिम पानी परिरहेको समयमा काठमाडौं चक्रपथको यात्रा गरेको उनले जानकारी दिएका छन् ।
सिमिसिमे पानीमा साइकलमा चक्रपथको यात्रा गर्दा रमाइलोसँगै शारीरिक अभ्यास पनि भएको उनले बताएका छन् ।
सामाजिक सञ्जाल ट्विटरमा तस्विरसहित उनले लेखेका छन्, 'सिमसिमे पानीमा आज साईकलमा काठमाडौं रिंगरोडको एक चक्कर पूरा गरियो । रमाइलो शारीरिक अभ्यास ।'
सिमसिमे पानीमा आज साईकलमा काठमाडौं रिंगरोडको एक चक्कर पुरा गरियो।
— Kamal Thapa (@KTnepal) July 19, 2020
रमाइलो शारीरिक अभ्यास pic.twitter.com/bpsUeHACF7