बन्द भएका भारतीय च्यानलहरुमध्ये चारबाहेक अन्यको प्रशारण खुलेको छ ।
टेलिभिजन केवल अपरेटरहरूको निर्णयबाट नेपालका लागि ती च्यानल खोलेका हुन् ।
तर, चारवटा भारतीय समाचार च्यानल भने खुलाइएको छैन ।
केवल अपरेटरहरूको आइतबार बसेको बैठकले जी–न्युज, आजतक, इन्डिया टिभी र एबिपी न्यूज च्यानलहरूको प्रसारण बन्द राखेर अरू खोल्ने निर्णय गरेको छन् ।
सोही निर्णयअनुसार अरु न्यूज च्यानल खोलिएको म्याक्स टिभीका उपाध्यक्ष ध्रुव शर्माले जानकारी दिए ।
‘केही च्यानलको प्रसारणलाई लिएर सबै च्यानल बन्द गर्न अनुपयुक्त हुने देखिएकाले यस्तो निर्णय भएको हो,’ शर्माले भने ।
गएरातिदेखि अरू भारतीय समाचारका च्यानलको प्रसारण सञ्चालन सुरु भएको छ ।
