गुृल्मीको इस्मा गाउँपालिका वडा नम्वर १ र ४ का विभिन्न गाउँ बस्तीका बाढी पहिरो पीडितहरुले सहयोग नपाएको भन्दै गुनासो गरेका छन्
उनीहरुले गाउँपालिकाबाट यस्तो अवस्थामा पनि सहयोग नपाएको भन्दै गुनासो गरेका हुन् ।
असार १८ गते राति गएको भीषण बाढीपहिरोले वडा नम्बर १ को मल्दी र ढाँडा फाँटमा दुईजनाको ज्यान जानुका साथै सयौं घर विस्थापित भएका छन् ।
त्यसैगरी मल्दी र ढाँडाफाँटमा दुई जना बालबालिकाको ज्यान गएको र ५ जना घाइते भए पछि त्यहाँ तीन वटै सुरक्षा निकाय र जनप्रतिनिधीहरुले पुगेर उद्धार गरेका थिए ।
वडा नम्बर १ कै जुकेपानी, वडा नम्वर ४ को ढाँडा , लिसेपानी , न्वाँला , छोटेेंडाँडा रातीपोखरीलगायत गाउँहरुमा भीषण बाढी पहिरोले केही घरपरिवारलाई पनि विस्थापित गराएको छ ।
राहतका लागि पहल गर्ने भनी प्रतिबद्धता गाउँपालिकादेखि माथिल्लो तहले प्रतिबद्धता जनाए पनि जुकेपानी गाउँकी माया कुँवरले बताइन् ।
तर, प्रमुख जिल्ला अधिकारी भरतकुमार शर्माले उद्धारमा सबै संयन्त्र जुटेको तर त्यहाँ पुग्न नसकिएको स्वीकार्दै गाउँपालिकामा रहेको विपद् व्यवस्थापन समितिमार्फत समस्या बुझ्ने काम भइरहेको बताए ।
