काठमाडौं । सार्वजनिक यातायात व्यवसायीले विभिन्न माग राख्दै सार्वजनिक यातायात सञ्चालन नगर्ने बताएका छन् ।
व्यवसायीले बैंकको किस्ता, स्वास्थ्य बिमा, स्वस्थ्य सुरक्षा मापदण्ड लगायतका माग सम्बोधन गर्नुपर्ने शर्त अघि सारेका छन् ।
यसैबीच, सार्वजनिक यातायात व्यवसायीले आन्दोलन गरे पनि साझा यातायातले भने बस चलाउने भएको छ ।
साझा यातायातले केही दिनभित्रै बस चलाउनेगरी तयारी थालेको हो ।
साझाले साउन १ गतेदेखि बस चलाउने तयारी भइरहेको साझा यातयातका अध्यक्ष कनकमणि दीक्षितले जानकारी दिएका छन् ।
दीक्षितले छोटो दुरीमा साझा बस गुड्न तयार भएर बसेको भन्दै सामाजिक सञ्जालमा तस्बिरसहित ट्विट गरेका छन् ।
Sajha Yatayat buses stand at ready to start limited service in the Valley within the next few days, promoting safe travel with social distancing. The buses and we their handlers have missed our passengers dearly, and can’t wait to get back on the road. pic.twitter.com/ycuegmlus0
— Kanak Mani Dixit (@KanakManiDixit) July 11, 2020
सरकारले तोकेको मापदण्ड बनाई साझा यातायात सञ्चालनको लागि तयारी भैरहेको छ । तयारी पूरा हुनासाथ नियमित रुटमा गाडी चल्ने बताइएको छ ।
‘सार्वजनिक यातायात चल्ने भनेर सरकारले बिहीबार निणर्य सार्वजनिक गर्यो,’ साझा यातायातका व्यवस्थापक महेन्द्रराज पाण्डेले भने, ‘बसको अवस्था, कर्मचारी व्यवस्थापन, स्वस्थ्य मापदण्ड लगायतको तयारीपछि साझा यातायात चल्छ।’
