म्याग्दीको पहिरोमा पुरिएर मृत्यु हुनेको संख्या ३ पुगेको छ भने बाँकी ३१ बेपत्ता भएका छन् ।
अविरल वर्षाले जिल्लाभित्र ठाउँ ठाउँमा पहिरो जाँदा गएको पहिरोले ठूलो क्षति पुर्याएको छ ।
जिल्लाको धौलागिरि गाउँपालिका- ७ ताकममा २ जना र रघुगंगा गाउँपालिकाको डाँडाखानीमा १ जनाको शव भेटिएको म्याग्दी प्रहरीले जानकारी दिएको छ ।
पहिरोले धौलागिरि, रघुगंगा र मालिका गाउँपालिकालाई प्रभावित बनाएको छ ।
सो पहिरोले धौलागिरि गाउँपालिका –६ का २३ जना र मालिका गाउँपालिका–७ बिमका ८ जना बनाएको प्रहीले जानकारी दिएको छ ।
यसका साथै म्याग्दी प्रहरीले पहिरो प्रभावित क्षेत्रमा उद्धार टोली पुगेको पनि बताएको छ ।
बेनी नगरपालिकाको म्याग्दी खोला र रघुगंगा खोलाका कारण जोखिममा रहेका २८ घरलाई सुरक्षित स्थानमा सार्न लागिएको छ ।
हाल बाढी प्रभावित क्षेत्रका करिब ११० जनालाई उद्धार गरी गलेश्वरको धर्मशाला र आमा समूहमा राख्ने व्यवस्था मिलाइएको बताइएको छ ।
