विराटनगर । सप्तकोशी नदीमा पानीको बहाव यो वर्षकै उच्च मापन गरिएको छ ।
कोशी ब्यारेज कन्ट्रोल रुमका अनुसार सप्तकोशी नदिमा शुक्रबार बिहान १० बजे पानीको बहाव २ लाख ७ हजार ७१५ क्यूसेक मापन भएको छ ।
पानीको बहाव यो वर्षकै उच्च हो ।
पहाडी क्षेत्रमा अविरल वर्षासँगै आएको बाढीका कारण सप्तकोशी नदीमा पानीको बहाव उच्च भएको हो ।
कोशीमा पानीको बहाव बढ्दो क्रममा रहेका कारण ५६ वटा ढोकामध्ये ३० वटा ढोका खुला गरिएको कन्ट्रोल रुमले जानकारी दिएको छ ।
यसैबीच, ब्यारेजमा खतराको संकेत रातो बत्ती बालिएको छ ।
