काठमाडाैंको गोकर्णेश्वर नगरपालिकाबाट सामूहिक बलात्कार गरेको अभियोगमा दुई जना पक्राउ परेका छन् । 

गोकर्णेश्वर नगरपालिका बस्ने दोलखाका पासाङ शेर्पा र कागेश्वरी मनोहरा बस्ने सिन्धुपाल्चोकका भुवन विष्टलाई प्रहरीलाई प्रहरीले आइतबार पक्राउ गरेको हो । 

बलात्कार हुने महिला पसल सञ्चालक रहेको खुलेको छ । उनले सँगै बसेर मदिरा सेवन गरेपछि नसालु पदार्थको प्रयोग गरी दुई जनाले आफूमाथि करणी गरेको बताएकी छिन् । 

घटनाबारे थप अनुसन्धान भइरहेको प्रहरीको भनाइ छ ।