तुलसीपुर । दाङमा एक युवतीले आत्महत्या गरेकी छिन् । उनले सामाजिक सञ्जाल (फेसबुक) मा भिडियो लाइभ गर्दै आत्महत्या गरेकी हुन् ।
तुलसीपुर उपमहानगरपालिका–५ रानीजरुवाकी अन्दाजी २३–२४ वर्षकी एलिसा गौतमले गएराति फेसबुकमा लाइभ गरेर आत्महत्या गरेको दाङ प्रहरीले जानकारी दिएको छ ।
एलिसाको केही समयअघि डिभोर्स भएको प्रारम्भिक अनुसन्धानमा खुल्न आएको जिल्ला प्रहरी कार्यालय दाङका प्रमुख एसपी गणेश चन्दले जानकारी दिए ।
उनका अुनसरा घटनाको थप अनुसन्धान हुन बाँकी छ ।
एलिसा माइतीमा बस्दै आएकी थिइन् । उनकी छोरी पहिलाको श्रीमानसँग भएको जानकारी आए पनि पुष्टि हुन बाँकी रहेको प्रहरीले जनाएको छ ।
एलिसाका बाबु-आमा भारतमा काम गर्न गएकोले उनी कोठामा एक्लै बस्ने गरेकी थिइन् ।
मृतक युवतीको शव पोष्टमार्टमका लागि राप्ती प्रादेशिक अस्पताल तुलसीपुर लगिएको छ ।