जाजरकोटको भेरी नगरपालिका–११ स्थित महतारागाउँको पाटेखोलामा १५ महिने शिशु बेपत्ता भएका छन् ।
लेदो मिसिएको भेलले एक घर बगाउँदा १५ महिने शिशु पुरुषोत्तम वर बेपत्ता भएका हुन् ।
यस्तै लेदोमा पुरिएका २२ वर्षीय गणेश वरको भने प्रहरी तथा स्थानीयवासीले उद्धार गरेका छन् ।
उनलाई उपचारका लागि नेपाली सेनाको हेलिकोप्टरबाट सुर्खेत पठाइएको भए पनि त्यहाँ उपचार सम्भव नभएपछि नेपालगञ्ज पठाइएको छ ।
यसैबीच, सबै तहका सुरक्षाकर्मी शिशुको खोजीकार्यमा खटिएका छन् ।
