धनगढी । आज दिउँसो ३ बजेका लागि बस्ने भनिएको सुदूरपश्चिम प्रदेश सभा बैठक स्थगित भएको छ । सचिवालले सूचना टाँस गर्दै बैठक स्थगितको जानकारी गराएको हो ।
प्रदेशसभाका सचिव राम धामीले सभामुखको आदेश अनुसार आज दिउँसो बस्ने भनिएको बैठक सूचना टाँसेर स्थगित गरिएको बताए । अर्को बैठक मंगलबार दिउँसो ३ बजे तोकिएको छ।
प्रदेश सरकारले असार १ गते ल्याएको बजेटमाथि छलफल गर्न असार १० गते बोलाइएको बैठक प्रतिपक्षको अवरोधपछि स्थगित भएको थियो।
असार १२ गतेका लागि बोलाइएको बैठक समेत प्रमुख प्रतिपक्षी दल नेपाली कांग्रेस र राष्ट्रिय जनता पार्टीले अवरोध जनाएपछि स्थगित भएको थियो ।
