काठमाडौं । बिहीबार देशकाे विभिन्न स्थानमा चट्याङ लागेर ७ जनाकाे मृत्यु भएकाे छ । प्रहरीका अनुसार बिहीबार दिनभरि फरक फरक स्थानमा लागेकाे चट्याङबाट ३ महिलासहित ७ जनाकाे मृत्यु भएकाे हाे ।
त्यस्तै मकवानपुरमा पनि चट्याङ लागेर दुई जना महिलाको आज मृत्यु भएको छ । मृत्यु हुनेमा मकवानपुर बकैया गाउँपालिका–२ का बुद्ध घिसिङको १७ वर्षीया छोरी सम्झना घिसिङ र आशालाल घिसिङकी २५ वर्षीया श्रीमती विना घिसिङको रहेको प्रहरीले जनाएको छ ।
यता कपिलवस्तुको शिवराज नगरपालिका–११ थुनिहाका ४५ वर्षीय सत्यनारायण कुर्मीको पनि चट्याङ लागेर मृत्यु भएको छ । खेतमा रोपाइँ गर्न गएको बेला आज दिउँसो चट्याङ लागेर उहाँको मृत्यु भएको वडा प्रहरी कार्यालय चन्द्रौटाका प्रहरी निरीक्षक दिपेश खरेलले जानकारी दिए ।
