काठमाडाैं । असार ७ गते लाग्ने सूर्य ग्रहण कालापानीलगायत क्षेत्रबाट ९८ प्रतिशतसम्म ढाकिएको देखिने खगोलविदले बताएका छन् ।
वरिष्ठ खगोलविद एवं वाल्मीक विद्यापीठ ज्योतिष विषयका सहप्राध्यापक जयन्त आचार्यले असार ७ गते लाग्ने सूर्यग्रहण सो ठाउँबाट ९८ प्रतिशत ढाकिएको देखिने देखिने बताएका हुन् ।
तर, उनले सो सूर्यग्रहण काठमाडौंबाट ८८ प्रतिशतसम्म ढाकेको देखिने बताएका छन् ।
सो सूर्यग्रहण नेपालमा बिहान १०ः५५ देखि सुरु भई अपराह्न २ः२४ बजे समाप्त हुने बताइएको छ ।
ग्रहणका समयमा वातावरणीय तापक्रम घटेर चिसो अनुभव हुने बताउँदै खगोलविदले त्यसदिन दुईपटक बिहान भएको महसुस हुने बताए ।
