काठमाडौं । लकडाउन खुकुलो बनाइएसँगै काठमाडौंमा सवारीसाधनको चाप बढ्न थालेको छ । आजदेखि सबै प्रकारका निजी सवारी साधनमा जोर विजोर प्रणाली लागू भएको छ ।
यसअघि सवारीसाधानमा जोर विजोर लागू गर्नेबार गृहमन्त्रालय र ट्राफिक प्रहरीबीच विवाद थियो । गृह मन्त्रालयले सबै निजी सवारी साधनमा जोर–बिजोर प्रणाली लागू गर्न मातहतका निकायलाई निर्देशन दिएसँगै मोटरसाइकल र स्कुटरलाई पनि जोर विजोर प्रणालीको नियम लागू भएको हो ।
यति मात्रै हैन एउटै बाइकमा दुईजना तथा एउटै कारमा दुईजना भन्दा बढी चढे पनि कारबाहीमा पर्नेछन् ।
आज १ गते विजोर दिन परेकाले विजोर नम्बरका सवारी चलिरहेका छन् । उपत्यकामा सुरक्षाकर्मी झन् सक्रिय भएका छन् । नयाँ बानेश्वर, सिंहदरबार, त्रिपुरेश्वर, हनुमानथान, थापाथली, टेकु, दरबारमार्गलगायत मुख्य-मुख्य चोकमा प्रहरीले चेकिङ गरिरहेको छ ।
