काठमाडौं । देशमा जारी लकडाउनको मोडालिटी परिवर्तन लगायतको विषयमा निर्णय गर्न आज मन्त्रिपरिषद बैठक बस्ने भएको छ ।
प्रधानमन्त्री निवास बालुवाटारमा दिउँसो २ बजे बैठक बस्न लागेको हो ।
संसद बैठक लम्बिएका कारण मंगलबार स्थगित भएपछि आज मन्त्रिपरिषद बैठक बस्न लागेको हो ।
कोरोना भाइरस रोकथाम उच्चस्तरीय समिति र कोभिड–१९ क्राइसिस म्यानेजमेन्ट सेन्टरले लकडाउन खुकुलो बनाउने बारेको छुट्टाछुट्टै रणनीति मन्त्रिपरिषिदमा पेस गरेका छन् ।
उनीहरुले कोरोना संक्रमणको अवस्थाका आधारमा स्थान विशेष लकडाउनको शैली परिवर्तन गर्नेबारेमा प्रतिवेदन बुझाएका हुन् । आजको बैठकमा यसबारे छलफल गरेर आवश्यक निर्णय हुने बताइएको छ ।
गत चैत ११ गतेदेखि जारी लकडाउनका कारण जनजीवन, व्यापार व्यवसायमा प्रभाव परेपछि लकडाउनको शैली परिवर्तन सरकारमाथि चर्को दवाव परेको छ ।