सप्तरी । सप्तरीमा बुधबार बिहान दुई समूहबीच झडप हुँदा १५ जना घाइते भएका छन् ।
जिल्लाको छिन्नमस्ता गाउँपालिकामा जग्गा सम्बन्धी विवादमा दुई समूहबीच झडप भएको हो ।
दुवै पक्षले एकअर्कामाथि घरेलु हतियार प्रहार गरेका थिए । घाइतेहरुको राजविराजस्थित गजेन्द्रनारायण सिंह अस्पतालमा उपचार भइरहेको छ ।
झडप बढ्दै गएपछि स्थिति नियन्त्रणमा लिन प्रहरीले ८ राउण्ड हवाई फायर गरेको सप्तरी प्रहरीका प्रवक्ता तिलक भारतीले जानकारी दिए ।
अहिले स्थिति सामान्य भइसकेको उजले बताए ।
