काठमाडौं । बाराका पत्रकार तथा तराई मधेस दैनिक पत्रिकाका प्रकाशक पवन यादवमाथि कुटपिट भएको छ ।
गत आइतबार राति बाराकाे कलैयाबाट आफ्नो घर जाने क्रममा मटिअर्वा सडकअन्तर्गत कलैया उपमहानगरपालिका–१६ हनुमान मन्दिर अगाडि उनीमाथि कुटपिट भएको बताइएको छ ।
मोटरसाइकलमा घर जाँदै गरेका पत्रकार यादवलाई बाटो कुरेर बसेका करिब चारजना समूहका व्यक्तिले कुपिट गरेका थिए । उक्त कुटपिटबाट यादवको टाउकोमा चोट लागेको प्रहरीले जनाएको छ ।
पत्रकार यादवको कलैयास्थित जिल्ला अस्पातमा उपचार गरिएको छ भने आक्रमण गर्ने व्यक्तिको खोजी सुरु भएको छ ।