काठमाडौं । नेपाली भूमि लिपुलेकमा भारतले एकपक्षीय रुपमा गरेको सडक विस्तारको विरोध प्रदर्शन गरिरहेको एक समूहलाई प्रहरीले पक्राउ गरेको छ ।
'सेभ बोर्डर, सीमा मिच्न पाइँदैन' नारा लगाउँदै नयाँ बानेश्वर पुगेको समूहलाई प्रहरीले पक्राउ गरेको हो ।
नेपाल, भारत र चीनबीचको त्रिदेशीय सीमा रहेको लिपुलेकमा नेपाली भूभाग समेत मिचेर भारतले मानसरोवर जाने बाटो विस्तार गरेको विरोधमा केही दिनदेखि विरोध प्रदर्शन भइरहेको छ ।
शनिबार पनि भारतीय दूतावास अघि विरोध प्रदर्शन गर्न पुगेका विद्यार्थीहरूलाई प्रहरीले पक्राउ गरेको थियो ।
