सर्लाही । सर्लाहीको चक्रघटा गाउँपालिका–६ गोइयाहीबाट हराएका बालक मृत फेला परेका छन् ।
सोमबारदेखि हराएका बालक मङ्गलबार मृत फेला परेको प्रहरीले जानकारी दिएको छ ।
स्थानीयवासी रामेश्वर साहका १२ वर्षीय छोरा सुरज साह मृत अवस्थामा फेला परेका हुन् ।
सोमबार दिउँसो भैँसी चराउन गएका बालकको शव मङ्गलबार गाउँ नजिकै रहेको इटाभट्टाको खाल्डोमा फेला परेको सर्लाहीका प्रहरी प्रवक्ता एवं प्रहरी नायब उपरीक्षक मदन कुँवरले जानकारी दिए।
