जनकपुरधाम । धनुषाको जनकपुरधाममा प्रहरी र स्थानीयबीच झडप भएको छ ।
राहत वितरणमा विभेद गरेको भन्दै स्थानीयवासीले विरोध गरेपछि झडपको स्थिति उत्तपन्न भएको हो ।
राहत वितरणमा जनकपुरधाम वडा नम्बर १४ का वडाध्यक्ष पुण्यप्रसाद यादवले विभेद गरेको स्थानीयले आरोप लगाएका छन् ।
वडाध्यक्षको विरोधमा स्थानीयले नारावाजी सुरु गरेपछि वडाध्यक्षको निर्देशनमा प्रहरीले लाठीचार्ज गरेको स्थानीयले आरोप लगाएका छन् ।
वडाध्यक्ष यादवले विपन्न र गरिबलाई बेवास्ता गर्दै आफ्ना नजिकका कार्यकर्तालाई अनावश्यक रुपमा राहत वितरण गरेको स्थानीयको भनाइ छ ।
प्रहरीको कुटपिटबाट एक दर्जनभन्दा बढी स्थानीय घाइते भएको बताइएको छ ।
यसैबीच, विपक्षी दलले जानी जानी विरोध गरेको वडाध्यक्ष यादवले प्रतिक्रिया दिएका छन् ।
तत्कालीन राष्ट्रिय जनता पार्टी (राजपा) नेपालबाट निर्वाचित वडाध्यक्ष यादवले नेकपाका प्रतिनिधिले आफूलाई बद्नाम गर्न लागेको बताएका छन् ।
