झापाको दमक नगरपालिका–३ बेलडाँगीमा रहेको भूटानी शिविरमा आगलागी हुँदा चार घर जलेर नष्ट भएका छन् ।
आज बिहान शिविरको बी–३ हटनम्बर २६० मा रहेको टीकाराम चापागाईंको घरबाट अचानक आगलागी भएको जिल्ला प्रहरी कार्यालयका प्रवक्ता महेन्द्रकुमार श्रेष्ठले जानकारी दिए ।
उनका अनुसार चापागाईंको घरबाट सुरु भएको आगोले छिमेकी पदम चापागाईं, रुपनारायाण दुलाल र हर्कबहादुर सुब्बाको समेत घर जलेर नष्ट हुँदा करिब १७ लाख ३५ हजार रुपैयाँ बराबरको क्षति भएको छ ।
आगलागी स्थानीयवासी, प्रहरी र बारुणयन्त्रको सहयोगमा बिहान ३ः३० बजे पूर्णरूपमा नियन्त्रणमा लिइएको प्रहरीले जनाएको छ ।
