काठमाडाैं । कन्चनपुर जिल्ला प्रशासनल कार्यालयले लकडाउनकाे अवधिमा जिल्लामा हुने विवाहलाई ससर्त अनुमति दिने भएको छ ।
तर, विवाहका लागि जिल्ला प्रशासन कार्यालयले स्थानीय तहको सिफारिस अनिवार्य लिनुपर्ने, सवारी साधनमा शुभ विवाहको ब्यानर राख्नुपर्ने, प्रहरीसँग समन्वय गर्नुपर्ने, बेहुला, बेहुली, पण्डित र पूजा सामग्री राख्ने र कमभन्दा कम व्यक्ति लिएर विवाह सम्पन्न गर्नुपर्ने, विवाहमा सहभागी हुने दुवैतर्फका जन्तीले सामाजिक दूरी कायम गर्नुपर्ने र कोरोना भाइरस सङ्क्रमणलाई मध्यनजर गरी सावधानी अपनाउनुपर्ने जस्ता सर्त राखेको छ ।
साथै, जिल्ला प्रशासन कार्यालय कञ्चनपुरले विवाहका लागि सवारी साधन पासबिनै पनि सञ्चालन गर्न पनि दिने भएको छ ।
प्रशासनले कोरोना भाइरसको संक्रमण रोकथामका लागि गरिएको लकडाउनको समयमै विवाह गर्ने मनसाय रहेकाहरूलाई जिल्लाभित्रै सवारी आवतजावत गर्न यस्ताे व्यवस्था गरेको हो ।
