काठमाडौं । देशमा स्थानीय वायुको प्रभाव सँगसगै पश्विमी वायुकोसमेत आंशिक प्रभाव परेको जल तथा मौसम पूर्वानुमान महाशाखाले जनाएको छ । महाशाखाले मंगलबार पहाडी भू–भागमा मेघगर्जन तथा चट्याङ र हावाहुरीसहित वर्षा हुन सक्ने देखिएकोले सतर्कता अपनाउन आग्रह गरेको छ ।
मंगलबार बिहान देशको पश्चिमी पहाडी भू–भाग तथा पूर्वी भू–भाग आंशिकदेखि सामान्य बदली रही बाँकी भू–भागमा आंशिक बदली रहेको छ। साथै देशको मध्य भू–भागमा हल्का वर्षा भइरहेको छ ।
महाशाखाका अनुसार मंगलबार दिउँसो देशभर आंशिकदेखि सामान्य बदली रहने छ भने देशका केही स्थानहरूमा मेघगर्जन तथा चट्याङ र हावाहुरीसहित वर्षाको सम्भावना रहेको मौसम पूर्वानुमान महाशाखाले जनाएको छ ।
राति देशको पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदली रहने छ भने मध्य र पश्चिमका पहाडी भू–भागका थोरै स्थानहरूमा र पूर्वका एक दुइ स्थानमा मेघगर्जन तथा चट्याङ र हावाहुरीसहित वर्षाको सम्भावना रहेको छ ।