बुटवल । सिद्धार्थ राजमार्ग अन्तर्गत बुटवल पाल्पा सडक खण्ड पहिरोले अवरुद्ध भएको छ ।
धुले पहिरो खसेपछि बुटवल–पाल्पा सडकखण्डको केरावारी नजिकमा ढुंगा सहितको पहिरोले सडक अवरुद्ध भएको हो ।
प्रदेश नम्बर पाँच ट्राफिक प्रहरी कार्यालय, बुटवलमा डिएसपी रामप्रकाश शाहले बाटो खुलाउने त्यसतर्फ टोली पुगेको बताए । यो सडक घुम्ती काटेर फराकिलो बनाउने काम भइरहेको छ ।
केही दिनअघिदेखि परेको वर्षाले चिसो भएको जमिनमा तल्लो भागबाट खन्दा ठूलो पहिरो खसेको प्रहरीले जनाएको छ ।
डोजर र एक्स्काभेटरको प्रबन्ध गरेकाले दुई घण्टाभिर सडक खुलाउने तयारी रहेको प्रहरीले जनाएको छ ।
लकडाउन कारण सवारी साधान नचलेपनि पहिरो खसेपछि खाद्यान्न ढुवानीका ट्रक, अत्यावश्यक कामले हिँडेकाहरु र एम्बुलेन्स समेत गुड्न नपाएको प्रहरीको भनाई छ ।