कपिलवस्तु । कोरोना भाइरस संक्रमणको जोखिम नियन्त्रणको लागि सरकारले देशमा लकडाउन घोषणा गरेको छ ।
यसैबीच कपिलवस्तुमा एक बालिका बलात्कृत भएकी छिन् ।
मायादेवी गाउँपालिका–४ कि १२ वर्षीया बालिका बलात्कृत भएकी हुन् ।
राति १० बजे घर अगाडिको धारामा पानी भर्ने क्रममा छिमेकी २५ वर्षका युवा एजाज मुसलमानले बलात्कार गरेका हुन् ।
धारमा पानी भर्न आएकी बालिकालाई मुख थुनेर पीडितकै घर पछाडि लगेर उनले बलात्कार गरेको स्थानीयबासीले बताएका छन् ।
बलात्कार गरेको अवस्थामा एक छिमेकीले देखेपछि बालिकाको उद्धार गरेका थिए ।
बालिकाको तौलिहवा अस्पतालमा उपचार भइरहेको छ । युवक फरार भएका छन् ।
बालिकाको बुबा रोजगारीका लागि भारतमा छन् भने घरमा उनी र आमा बस्दै आएका छन् ।
