बाँकेको राप्ती सोनारी गाउँपालिका–५ बिनौनाका–८ वर्षीय बालक तीन दिनपछि मृतावस्थामा फेला परेका छन् ।
गत चैत ५ गते विद्यालयको पोसाकमै साइकलसहित हराएका अरबिन चौधरी शुक्रबार घरनजिकै मृतावस्थामा फेला परेका हुन् ।
मृतक अरबिनको कम्मरभन्दा माथिको कपडा नभएको, कानबाट रगत बगेको र घाँटीमा नीलडाम भएको अवस्थामा फेला परेको छिमेकी हेमन्त चाैधरीले बताए । उनले भने, ‘आज बिहान १०ः१५ बजे बालककाे शव फेला परेको हो ।’
मृतक बालक स्थानीय नवज्योति बोर्डिङ स्कुल चिलहिरियामा अध्ययनरत थिए । उनी अरबिन्द घरको एक्लो सन्तान हुन् ।
इलाका प्रहरी कार्यालय कोहलपुरका प्रहरी प्रमुखले प्रहरीले घटनाको अनुसन्धान गरिहेको जनाकारी दिए ।
