काठमाडौं । हिमालय एयरलाइन्सले साउदी अरबको उडान स्थगित गरेको छ ।
कम्पनीले आइतबार एक जरुरी सूचना निकालेर सन् २०२० मार्च १५–२८ सम्मका लागि उडान स्थगित गरेको जनाएको हो ।
कम्पनीले कोभिड–१९ को प्रकोप फैलिन नदिनका सरकारले उडान प्रतिबन्ध लगाएसँगै आपूmले उडान स्थगित गरेको बताएको छ ।
कम्पनीले उडानका लागि टिकट लिइसकेका यात्रुले अतिरिक्त शुल्कबिना, यात्राको मिति परिवर्तन गर्ने आफ्नो ट्राभल अथवा बुकिङ एजेन्टसँग सम्पर्क राख्न पनि अनुरोध गरेको जनाएको छ ।
कम्पनीले यसअघि चीनका पाँचवटै गन्तव्य र कतारको दोहाका गन्तव्यका उडान रोक्ने निर्णय गरिसकेको छ ।
त्यसैगरी, राष्ट्रिय ध्वजाबाहक नेपाल वायुसेवा निगम (नेपाल एयरलाइन्स) ले पनि फागुन २७ देखि लागू हुनेगरी कतारको दोहामा गर्दै आएको नियमित उडान अर्को निर्णय नभएसम्मका स्थगित गरेको जनाएको छ ।
केही दिनअघि नेपाल वायु सेवा निगमले पनि एक विज्ञप्तिमार्फत यस्तो जानकारी दिएको थियो ।
