बुटवल । सिद्धार्थ राजमार्गअन्तर्गत बुटवल-पाल्पा सडकखण्ड आजदेखि दैनिक आठ घण्टा बन्द हुने भएको छ ।
उक्त सडक खण्डमा रहेका मोडलाई फराकिलो बनाउने काम आजदेखि सुरु हुनेछ ।
पहाड काटेर मोडहरु फराकिलो बनाउने काम सुरु भएसँगै १२ दिनसम्म दैनिक आठ घण्टा उक्त सडकखण्ड बन्द गर्न लागिएको हो ।
बिहान ७ देखि ९ बजेसम्म, दिउँसो १२ बजेदेखि ३ बजेसम्म र राति ८ बजेदेखि ११ बजेसम्म बाटो बन्द गरेर काम गरिने डिभिजन सडक कार्यालयले जानकारी दिएको छ ।
मोडहरु साँघुरो भएको कारण सवारी दुर्घटना बढेपछि सडक डिभिजन कार्यालयले मोडलाई फराकिलो बनाउने काम सुरु गरेको हो ।
