काठमाडौं । स्याल धपाउन हानेको गोली लागेर एकजना घाइते भएका छन् ।
स्यालले बाख्रालाई आक्रमण गर्न खोजेपछि स्याल धपाउन पड्काएको बन्दुकको गोली नौमुले गाउँपालिका २ का बिर्खबहादुर शाहीलाई लाग्दा घाइते भएका हुन्।
जिल्ला प्रहरी कर्यालय दैलेखले स्याल धपाउन पड्काएको बन्दुकको गोली लागेर शाहीको हात र खुट्टामा गम्भीर चोट लागेको जानकारी दिएको छ ।
घाइते शाहीको उपचार स्वास्थ्य कार्यालय दैलेख ल्याइएको तर, सम्भव नभएपछि कर्णाली प्रदेश अस्पताल सुर्खेतमा रेफर गरिएको जनाइएको छ । घटनाबारे प्रहरीले थप अनुसन्धान गरिरहेको बताइएको छ ।
