नवलपरासी। पूर्वी नवलपरासीको कोल्हुवामा एक जड्याहालाई नियन्त्रणमा लिन प्रहरीले गोली चलाएको छ । प्रहरीको गोली लागेर एक जना सख्त घाइते भएका छन् । दुई जना पक्राउ परेका छन् । मध्यविन्दु नगरपालिका–३ कोल्हुवा बजारमा शनिबार राति पौने ११ बजे प्रहरीले गोली चलाउँदा स्थानीय प्रेम महतोको पेट र खुट्टामा लागेको प्रहरीले जनाएको छ। उनको अवस्था चिन्ताजनक छ । महतोको चितवनस्थित पुरानो मेडिकल कलेजमा आइतबार बिहानैदेखि शल्यक्रिया शुरु भएको जनाइएको छ । प्रहरीले स्थानीय मुना महतो र सुरज महतोलाई पक्राउ गरेको छ ।

शनिबार राति ड्युउटीमा रहेका कोल्हुवा प्रहरी चौकीको टोलीलाई निहरुहरुले आक्रमण गरेका थिए । भित्री सडकमा चेक गर्ने क्रममा मादक पदार्थ सेवन गरी एउटै मोटरसाइकलमा आएका उनीहरुले प्रहरीलाई हातपात र खुकुरी प्रहार गरेपछि आत्मरक्षाका लागि गोली चलाउनु परेको एसपी दिपक रेग्मीले बताए ।