काठमाडौं । बलात्कार आरोपमा पक्राउ परेका पूर्वडिएसपी राजकुमार खिउजूलाई ७ दिन थुनामा राखेर अनुसन्धान गर्न अदालतले म्याद दिएको छ ।
उनलाई महानगरीय प्रहरी परिसर ललितपुरले बुधबार भक्तपुरबाट नियन्त्रणमा लिएको थियो ।
ललितपुरकै महांकाल गाउँपालिकाकी युवतीले आफूमाथि खिउजूले बलात्कार गरेको भन्दै प्रहरीमा उजुरी दिएकी थिइन् ।
उनलाई प्रहरीले बिहीबार जिल्ला अदालत ललितपुरमा उपस्थित गराएकोमा अदालतले ७ दिनको म्याद थप गरी अनुसन्धान गर्ने अनुमति दिएको महानगरीय प्रहरी परिसर ललितपुरले जनाएको छ ।
खिउजू महानगरीय प्रहरी बृत्त चापागाउँको डिएसपी हुँदा ती युवतीलाई जागिरको प्रलोभन देखाएर बलात्कार गरेको आरोप छ।
