इलाका प्रहरी कार्यालय भैंसेबाट खटिएको प्रहरी टोलीले अवैध भारतीय नोटसहित एक युवकलाई नियन्त्रणमा लिएको छ।
मकवानपुर भीमफेदी गाउँपालिका वडा नम्बर १ भैंसेबाट भारत बिहारको मोतिहारी ग्राम किसमपुर थाना पिपराकोठी बस्ने २४ वर्षीय निरज कुमार जैसवाललाई प्रहरीले नियन्त्रणमा लिएको हो ।
हेटौंडाबाट काठमाडौंतर्फ जाँदै गरेको ना१ज ३३५१ नं को यात्रुवाहक सुमो रोकी चेकजाँच गर्ने क्रममा उक्त सुमोमा सवार जैसवालको साथबाट १ लाख ८३ हजार ४ सय ८० भारतीय रुपैयाँ र २ लाख २० हजार २ सय २५ नेपाली रुपैयाँ फेला परेपछि निजलाई नियन्त्रणमा लिएको जिल्ला प्रहरी कार्यालय मकवानपुरले जनाएको छ ।
समातिएका जैसवाललाई बरामद नोटसहित थप अनुसन्धान तथा कारबाहीका लागि पथलैया बारा पठाइएको प्रहरीले जनाएको छ।
