मोरङ । मोरङको बेलबारी ११ भागमारीमा एक घरमा आगलागी भएको छ । बिहीबार बिहान नरबहादुर तामाङको घरमा आगलागी हुँदा आठ लाख मूल्यबराबरका क्षति भएको इलाका प्रहरी कार्यालय बेलबारीले जनाएको छ ।
टिनको छानो भएको घरमा ग्याँस लिक भएर आगलागी भएको हुन सक्ने प्रहरीले जनाएको छ । आगो बेलबारी तथा सुन्दरहरैचा नगरपालिकाको दमकल स्थानीय बासिन्दा तथा सुरक्षाकर्मीले नियन्त्रणमा लिएका थिए । यसैगरी आगलागी पीडितलाई बेलबारी नगरपालिकाले राहत बाँडेको छ ।
पहिलो चरणमा खाद्यान्न , लत्ताकपडा , तथा भाँडाकुँडा वितरण गरिएको नगरपालिकाका मेयर ज्ञानेन्द्र सुवेदीले जानकारी दिए । पीडितको घर बनाउनसमेत सहयोग गर्ने नगरपालिकाले बताएको छ । तामाङसँगै जोडिएको अर्को घरमा समेत आगो लागेको थियो ।