पाल्पामा जिप दुर्घटना हुँदा बुधबार एक जनाको मृत्यु भएको छन् भने १० जना घाइते भएका छन्। बुटवलदेखि गुल्मीको शान्तिपुरतर्फ जाँदै गरेको लु १ ज १४२८ नम्बरको जिप तानसेन नगरपालिका १४ अर्गलीस्थित कुँडापानीमा दुर्घटना भएको हो।
मृत्यु हुनेमा रुपन्देही सैनामैना नगरपालिकाका ५५ वर्षीया धनकली विक रहेको जिल्ला प्रहरी कार्यालय पाल्पाले जनाएको छ । विकलाई उपचारको लागि लुम्बिनी मेडिकल कलेज प्रभासमा ल्याउँदा चिकित्सकले मृत घोषणा गरेका थिए। दुर्घटना परी घाइते हुनेमध्ये ५ जनाको अवस्था गम्भीर रहेको प्रहरीले जनाएको छ।
सैनामैना नगरपालिका १ का २४ वर्षीय सुरेस विक, सोही ठाउँका २० वर्षीय रोशन विक, २१ वर्षीय सुवास विक, ४५ वर्षीया निना विक, गुल्मीको चन्द्रकोट गाउँपालिका ५ का ५० वर्षीय रामबहादुर थापाको अवस्था सामान्य छ।
घाइतेमध्ये गोरखाको भीमसेन नगरपालिका ८ का २७ वर्षीया मुना भट्ट, रुपन्देहीको देवदह नगरपालिका १० का ३८ वर्षीया मनमाया सुनार, बागलुङको गलकोट नरगपालिका ८ का ४० वर्षीय जोनु सुनार, बागलुङको बरेङ नगरपालिका ५ का २४ वर्षीय रेशम सुनार, रुपन्देहीको सैनामैना नगरपालिका १ का ६५ वर्षीय पदमबहादुर सुनारको अवस्था गम्भीर रहेको प्रहरीले जनाएको छ।
घाइते सबैको तानसेनस्थित लम्बिनी मेडिकल कलेज प्रभासाम उपचार भइरहेको छ। जिप अनियन्त्रित भएर दुर्घटना भएको हुनसक्ने प्रहरीको प्रारम्भिक अनुमान छ।
